Криштиану Роналдунинг дўсти ва таниқли журналист Эду Агирре футболчининг Португалия терма жамоасидан кетиши ҳақида ҳиссиётларга бой фикр билдирди.
Ҳужумчи бош мураббий Жорже Жезуш билан юзага келган можаро сабаб Копенгагендаги жамоа қароргоҳини тарк этди. Пайшанбага ўтар кечаси 41 ёшли футболчи Мадридга етиб келди. Тахминларга кўра, афсонавий футболчи яқин вақт ичида расмий баёнот билан чиқиш қилади.
"Бўлди. Криштиану ҳамманинг аламини оладиган бокс қопи эмас. У ўн йилдан ҳам аввал ўз обрўси ва меросини яратиб бўлган, унда ҳамма нарса бор. Энди у ўзи истаган ишни қилишга ҳақли. Энди эса улар уни бутун дунё олдида камситмоқчими?
Мураббий уни камситади, кейин эса матбуот анжуманига чиқиб, Роналдуни айнан ўзи камситгани билан мақтанадими? Криштианунинг ўрнида бўлганимда, мен анча олдин кетган бўлардим. Менимча, у жуда узоқ вақт чидади, айниқса Жезуш ва Педру Проэнсага", — деди Агирре El Chiringuito дастурида.
Эслатиб ўтамиз, Норвегияга қарши сўнгги учрашувда Португалия терма жамоаси бош мураббийи Роналдуга қиздириш машқларини бошлашни буюрган, аммо унга ўйин амалиёти беришга ваъда қилганига қарамай, майдонга туширмаган.
