Ўтган асрнинг охирида «Милан» сафида тўп тепган германиялик футболчи Оливер Бирхофф ўша жамоанинг энг буюк вакили сифатида Паоло Мальдинини кўришини айтди.
«Агар мендан энг буюк футболчи ким деб сўрашса, Паоло Мальдини деб жавоб бераман. У доимо жамоа ёнида бўлган, масъулиятни ўз зиммасига олишга тайёр турган ва мунтазам машғулот ўтказган.
Тажрибали футболчилар билан бир дастурхон атрофида ўтириш жуда қизиқ эди — улар ҳазиллашишни яхши кўришарди. Бобан, Росси, Костакурта бор эди. Ҳатто макарон учун қайси ёғ энг мос келиши ҳақида ҳам гаплашардик. Веа эса анча камгап эди», — дея Бирхоффнинг сўзларини келтиради pianetamilan.it.
