Лондоннинг «Арсенал» клуби футболчиси Букайо Сака Энтони Гордоннинг Англия терма жамоасидаги ўйини ҳақида фикр билдирди.
«Барселона» вингери Миллатлар лигасининг жорий мавсумида ўтказган учта учрашувининг барчасида гол урди. Шанба куни 25 ёшли футболчи Хорватия дарвозасини ишғол қилди ва Жуд Беллингемга голли узатма берди. Учрашув «уч шерлар»нинг 7:0 ҳисобидаги йирик ғалабаси билан якунланди.
«Гордон — Англия терма жамоасида порлаётган яна бир футболчи. Жамоада бундай юқори савияда ўзини кўрсата оладиган футболчилар шунчалик кўп экани жуда яхши», — дея Barça News Хорватияга қарши ўйинда дубль қайд этган Саканинг сўзларини келтирди.
Эслатиб ўтамиз, Энтони Гордон жорий йил ёзида «Ньюкасл»дан «Барселона»га ўтган эди.
