"Кристал Пэлас" ҳужумчиси Жан-Филипп Матета қишки трансфер ойнасида жамоасини ўзгартириши мумкин. Инсайдер Экрем Конурнинг хабар беришича, Англия клуби француз форвардини келаётган қишда сотувга қўйишга қарор қилган.
Матетага "Манчестер Юнайтед" анчадан буён қизиқиш билдириб келмоқда. Шунингдек, ҳужумчи "Милан" ва Саудия Арабистони чемпионатининг бир нечта клуби эътиборини ҳам тортган.
29 ёшли футболчининг бозор қиймати Transfermarkt портали томонидан 30 миллион еврога баҳоланган. Унинг "Кристал Пэлас" билан шартномаси келаси йилнинг июнь ойи охирида якунига етади.
Жорий мавсумда Матета Англия Премьер-лигасида атиги битта учрашувда майдонга тушди.
