«Фулхэм»нинг ярим ҳимоячиси Жошуа Кинг бир нечта Европа клубларининг эътиборини тортди. Бу ҳақда инсайдер Экрем Конур ижтимоий тармоқларда маълум қилди.
19 ёшли англиялик футболчининг ўйинларини «Арсенал», «Ливерпуль» ва Дортмунднинг «Боруссия» клублари кузатиб бормоқда. «Дачниклар» эса Кингнинг эҳтимолий трансферидан 60 миллион евро ишлаб олишни режалаштирмоқда.
Жошуа 2024 йил ёзидан буён «Фулхэм» футболчиси ҳисобланади. Ярим ҳимоячининг клуб билан амалдаги шартномаси 2029 йил июнь ойи охиригача амал қилади.
Кинг жорий мавсумда Англия Премьер-лигасида бешта учрашувда майдонга тушиб, иккита гол урди.
