Антонио Конте "Наполи"даги фаолиятини якунлаганидан сўнг нега танаффус олишга қарор қилганини тушунтирди.
"Бу ажойиб тажриба бўлди. У жуда кўп энергия талаб қилди ва осон кечмади. "Наполи", "Рома" ёки "Лацио" каби жамоалар учун "Интер", "Ювентус" ва "Милан"га қарши рақобат қилиш сайр эмас.
Шунинг учун мен жуда кўп куч сарфладим. Ҳозир шундай босқичдаманки, шунчаки содир бўлаётган воқеаларни кузатяпман.
Ишламаётган пайтингда ўйинларни хотиржам томоша қилиш, янги ёндашувларни ўрганиш ва футболдаги ривожланишларни ўз ғояларингга мослаштириш имконияти пайдо бўлади", — дея Конте сўзларини келтиради The Athletic.
Конте "Наполи"га 2024 йил ёзида келган эди. Мутахассиснинг илк мавсумида Неаполь клуби А Серия чемпиони бўлди.
Ўтган ёзда Конте "Наполи"ни тарк этди.
