"Атлетико" ва "Ювентус" Англия терма жамоаси ҳамда "Арсенал" ҳужумчиси Нони Мадуэкега қизиқиш билдирмоқда. Футболчи Лондон клубида асосий таркибдан жой ола олмаяпти. Бу ҳақда The Telegraph хабар берди.
24 ёшли футболчи жорий мавсумда Англия Премьер-лигасида "Арсенал"нинг бирорта ҳам учрашувини асосий таркибда бошламаган. Мадуэке фақат Англия Суперкубоги ва Лига кубоги баҳсларида старт таркибидан жой олган, чемпионатда эса захирадан майдонга тушган.
Ўтган мавсумда Мадуэке "Арсенал" сафида АПЛнинг 16 та учрашувини асосий таркибда бошлаган. Шу билан бирга, у тиззасидаги жароҳат сабаб қарийб икки ой майдонга туша олмаган.
Жорий мавсумда Христос Цолиснинг жамоага келиши ва Макс Доуманнинг асосий таркибга яқинлашиши ортидан "Арсенал" ҳужум чизиғида рақобат янада кучайди.
Мадуэке ўтган ёзда "Челси"дан "Арсенал"га 56 миллион евро эвазига ўтган эди.
