«Барселона» президентлигига собиқ номзод Тони Фрейша Мадриднинг «Реал» клуби раҳбари Флорентино Перес яқин вақт ичида ўз лавозимини тарк этиши мумкин, деб ҳисобламоқда.
«Қироллик клуби»нинг амалдаги президенти 2009 йилдан буён ушбу лавозимда ишлаб келмоқда.
«Мен Перес мавсум якунланганидан кейин «Реал»ни тарк этишини кутяпман. Улар охирги марта кетма-кет уч мавсум совринсиз қолганида ҳам Флорентино истеъфога чиққан эди. Менимча, бу сафар ҳам худди шу ҳолат такрорланади», — деди Фрейша.
Айни пайтда «Барселона» Ла Лига турнир жадвалида пешқадамлик қилмоқда ва «Реал»дан олти очко олдинда бормоқда.
Флорентино Перес июнь ойида «Реал» президенти лавозимига 2030 йилгача қайта сайланган эди.
