«Барселона» ва Испания терма жамоаси ярим ҳимоячиси Дани Ольмо Миллатлар лигаси доирасидаги ўйин олдидан Хорватияга қайтиш у учун қандай ҳиссиётлар уйғотаётгани ҳақида гапирди.

«Бу мамлакат менга ҳозир эга бўлган барча нарсамни берди. Хорватияга қарши ўйнаш имконияти, гарчи учрашув Загребда бўлмаса ҳам, менда алоҳида ҳиссиётлар уйғотади.

Ўйинга оилам ва кўплаб дўстларим келади. Эртанги учрашувни сабрсизлик билан кутяпман», — деди Ольмо.

Ольмо 2014 йилда «Барселона» академиясидан Загребнинг «Динамо» клубига кўчиб ўтган. Испаниялик футболчи Хорватия жамоасининг асосий таркибида беш йилдан ортиқ вақт ўйнади.

2020 йил январда у фаолиятини «РБ Лейпциг»да давом эттирди, кейинчалик эса «Барселона»га қайтди.

Хорватия ва Испания терма жамоалари 6 октябрь куни Сплит шаҳрида ўзаро баҳс олиб боради.