«Бавария» вингери Майкл Олисе ва «Манчестер Сити» ҳужумчиси Эрлинг Холанд Мадриднинг «Реал» клубида ўйнашни истамоқда. Бу ҳақда El Nacional хабар берди.
Манба 2027 йилги ёзги трансфер ойнаси узоқ вақтдан бери энг ёрқин ва воқеаларга бой трансфер ойнаси бўлиши мумкинлигини тахмин қилмоқда. Таъкидланишича, Олисе ва Холанд жорий мавсум якунига етгач, «Реал»га ўтиш вариантини кўриб чиқмоқда, чунки ҳар икки футболчи ҳам «Сантьяго Бернабеу»да ўйнашни орзу қилади.
«Бавария» Олисе билан шартномани узайтирмоқчи. Вингер ҳам бундай қадамга тайёр, аммо шартномада кейинчалик Мадридга ўтишига имкон берадиган аниқ товон пули миқдори кўрсатилиши шарти билан.
Холанднинг келажаги эса кўп жиҳатдан «Манчестер Сити» молиявий қоидаларни бузгани учун қандай жазо олишига боғлиқ.
Transfermarkt баҳосига кўра, Холанд ва Олисениг умумий бозор қиймати 400 миллион еврони ташкил этади.
