Хорватия терма жамоаси фахрий футболчиси Лука Модрич Англиядан қабул қилинган 0:7 ҳисобидаги оғир мағлубият ҳақида фикр билдирди.
«Муаммо мағлубиятнинг ўзида эмас. Аввал ҳам айтганман — масала қандай мағлуб бўлганимизда. Бу ерда фахрланадиган ҳеч нарса йўқ.
Мухлисларнинг муносабатига келсак, улардан ижобий реакция кутаман. Доимгидек бизни қўллаб-қувватлашларини хоҳлайман. Ўйиндан кейин эса бизни баҳолашлари ва танқид қилишлари мумкин.
Бизга трибуналарнинг қўллаб-қувватлаши жуда керак. Бу шунчаки гап эмас — мухлисларнинг ёрдами биз учун жуда муҳим», — дея Модричнинг сўзларини pianetamilan.it келтирди.
Эслатиб ўтамиз, Лука Модрич 41 ёшда бўлишига қарамай, Хорватия миллий терма жамоаси сафида тўп суришда давом этмоқда.
