Испания терма жамоаси ғалабали юришини Миллатлар лигасида ҳам давом эттирмоқда. Хорватия устидан 2:1 ҳисобида қозонилган ғалаба испанияликлар учун кетма-кет ўнинчи муваффақият бўлди.
Шу билан бирга, мазкур натижа Испания учун тарихий аҳамият касб этди. Испанлар ўз тарихида илк бор Хорватияни унинг майдонида мағлуб этишди.
Бу статистика маълум маънода Хорватия терма жамоасининг тарихи нисбатан қисқа экани билан ҳам боғлиқ. Хорватия миллий жамоаси мустақил терма сифатида 1990-йилларнинг ўрталаридан бошлаб халқаро майдонда иштирок этиб келмоқда.
Айни пайтда Испания камида икки марта сафарда ўйнаган, аммо ҳали бирор марта ғалаба қозона олмаган атиги тўртта терма жамоа қолди. Булар — Нидерландия, Швеция, Аргентина ва Сербия терма жамоаларидир. Бу статистикага ўртоқлик учрашувлари ҳам киритилган.
