Ҳужумчи Лионель Месси Аргентина терма жамоаси сафидаги хайрлашув учрашувини Бенинга қарши ўтказди. "Альбиселесте" 3:0 ҳисобида ғалаба қозонди, 39 ёшли форвард эса битта гол урди ва иккита голли узатмани амалга оширди.

Месси Аргентина терма жамоасидаги фаолияти давомида 46 та турли миллий жамоа дарвозасини ишғол қилган.

У энг кўп Европа терма жамоаларига қарши гол урган — 14 та жамоа. Шунингдек, ҳужумчи КОНКАКАФ минтақасининг 10 та, КОНМЕБОЛнинг 9 та, Африканинг 7 та ва Осиёнинг 6 та терма жамоаси дарвозасига гол киритган.

Лионель Месси Аргентина терма жамоаси сафида жами 208 та учрашув ўтказиб, 126 та гол урди ва 69 та голли узатмани амалга оширди.