Аргентина терма жамоаси бош мураббийи Лионель Скалони Лионель Мессининг миллий жамоадаги хайрлашув учрашувидан сўнг унга нисбатан илиқ фикрлар билдирди.
Аргентина ўртоқлик баҳсида Бенинни 3:0 ҳисобида мағлуб этди. Месси учрашувда битта гол урди ва иккита голли узатмани амалга оширди.
"Бу жуда ҳиссиётли ва шу билан бирга қайғули кун бўлди, чунки Месси энди Аргентина терма жамоаси либосини киймайди.
У миллий жамоа ранглари учун ҳеч кимдек курашди. Тарихдаги энг яхши футболчига мураббийлик қилишимни тасаввур ҳам қилмаганман. Бу менинг орзум эди ва мен бу ҳақда унинг ўзига ҳам айтдим", — дея Скалонининг сўзларини Ole келтирди.
Лионель Месси Аргентина терма жамоаси сафида жами 208 та учрашув ўтказиб, 126 та гол урди ва 69 та голли узатмани амалга оширди.
