"Барселона"нинг 19 ёшли ҳужумчиси Ламин Ямал онаси уни болалигида кўпроқ ўқишга мажбур қилганини айтди.
"Онаим доим яхши ўқишимни хоҳларди. У мени қўшимча дарс қилишга мажбур қилар ва баъзида: "Ўқимасанг, футбол ўйнамайсан", дерди.
Аммо мен келажагимни футбол билан боғлашни хоҳлашимни доим билардим", — дея Ямалнинг сўзларини Barça Universal келтирди.
Ямал "Барселона" тарбияланувчиси ҳисобланади. Жорий мавсумда у барча мусобақалар ҳисобида саккизта учрашувда майдонга тушиб, саккизта гол урди ва олтита голли узатмани амалга оширди.
Transfermarkt баҳосига кўра, Ямал айни пайтда дунёнинг энг қиммат футболчиси ҳисобланади. Унинг трансфер қиймати 220 миллион еврога баҳоланмоқда.
