Ҳозирда "Бёрнли" сафида тўп сураётган "Манчестер Сити"нинг собиқ ҳимоячиси Кайл Уокер манчестерликлар билан боғлиқ иш юзасидан фикр билдирди. Клуб молиявий қоидаларни бузгани учун жиддий жазога тортилиши мумкин.
"Бизга барча совринларни муносиб ва ҳалол тарзда қўлга киритган жамоа сифатида муносабатда бўлишларини хоҳлайман. Бу осон бўлмаган, биз бунинг учун жуда катта меҳнат қилдик.
Мен фақат футболчилар ҳақида гапирмаяпман, мухлисларни ҳам назарда тутяпман. Улар ҳам бу ғалабаларга муносиб эди", — дея Уокернинг сўзларини Talksport келтирди.
Аввалроқ Англия Премьер-лигаси комиссияси "Манчестер Сити"ни лиганинг молиявий қоидаларини бузишда айбдор деб топгани маълум бўлган эди. Ҳозирча клубга қандай жазо берилиши эълон қилинмаган.
