Миллатлар лигасининг 4-туридан ўрин олган Хорватия ва Испания терма жамоалари ўртасидаги учрашувда (1:2) ғайриоддий ҳолат юз берди.

«Реал» ҳимоячиси Марк Кукурелья Иван Перишичнинг четлатилишига сабабчи бўлди. Испаниялик футболчи орқасидан туртиб юборилганидан кейин ерга йиқилиб, фаол равишда имо-ишоралар қилди.

Ҳакам бу ҳолатга эътибор қаратди ва қизил карточка кўрсатиш учун хорватиялик футболчи томон йўл олди. Бироқ у карточкани ерга тушириб юборди.

Кукурелья саросимага тушмай, карточкани тезда ердан олиб, ҳакамга қайтарди. Шундан сўнг рефери Перишични майдондан четлатди.

Ижтимоий тармоқларда испаниялик футболчининг бу ҳаракати ҳазиломуз тарзда «четлатишга ассист» деб аталди.

Перишич билан боғлиқ эпизоддан сўнг Сплитдаги стадионда хорватиялик мухлислар «Реал» футболчисини тўпга ҳар бир тегишида ҳуштакбозлик билан қарши ола бошлади.

Хорватия терма жамоаси бош мураббийи Славен Билич учрашувдан кейинги матбуот анжуманида Кукурельяни «провокатор» деб атади.