Ҳужумчи Килиан Мбаппенинг аксарият жамоадошлари билан муносабатлари асосан профессионал характерга эга. Бу ҳақда OK Diario маълумотларига таянган ҳолда The Touchline хабар берди.
Қайд этилишича, Килиан Мбаппе ва Винисиус Жуниор жамоатчиликка яқин дўстлардек кўринса-да, аслида дўст эмас. Манбага кўра, уларнинг муносабатлари асосан профессионал доирада қолмоқда ва ҳар икки футболчи ҳам бир-бири билан янада яқинлашишга алоҳида интилаётгани йўқ.
«Уларнинг муносабатлари асосан профессионал характерга эга. Уларнинг ҳеч бири айниқса яқинлашишга интилмаяпти», — дейди манба.
Шунингдек, Жуд Беллингем билан ҳам маълум даражада таранглик борлиги айтилмоқда. Аввалроқ англиялик футболчи Мбаппе ва Винисиуснинг айрим хатти-ҳаракатларидан норози бўлгани хабар қилинган. «Реал» раҳбарияти эса Беллингемдан сабрли бўлиш ва айрим вазиятларга катта аҳамият бермасликни сўраган.
«Реал» жамоадаги тарангликни камайтириш ва асосий юлдузлар ўртасидаги келишмовчиликларга қарамай, уларнинг биргаликда самарали ишлашини таъминлашга ҳаракат қилмоқда.
