«Барселона» бош мураббий Ханс-Дитер Флик қўл остида навбатдаги йирик ғалабасини қўлга киритди.

Каталонияликлар Испания Ла Лигасининг 8-туридан ўрин олган учрашувда «Хетафе»ни 3:0 ҳисобида мағлуб этди.

Бу «Барселона»нинг германиялик мутахассис бошчилигида ўтказган 126 та ўйинда камида учта тўп фарқи билан эришган 43-ғалабаси бўлди.

Флик даврида каталонияликлар «Валенсия»ни тўрт марта (7:1, 5:0, 6:0, 5:0), «Атлетик»ни (3:0, 4:0, 5:0), «Мальорка»ни (5:1, 3:0, 3:0) ва «Севилья»ни (5:1, 4:1, 5:2) уч мартадан йирик ҳисобда мағлуб этган.

Шунингдек, «Барселона» «Реал» (4:0, 5:2), «Жирона» (4:1, 4:1) ва «Вильярреал» (5:1, 4:1) устидан икки мартадан йирик ғалабага эришган.

Бундан ташқари, каталонияликлар қуйидаги жамоаларни ҳам камида учта тўп фарқи билан мағлуб этишга муваффақ бўлган:

«Фейеноорд» (5:1), «Вальядолид» (7:0), «Янг Бойз» (5:0), «Алавес» (3:0), «Бавария» (4:1), «Црвена Звезда» (5:2), «Брест» (3:0), «Барбастро» (4:0), «Бетис» (5:1), «Реал Сосьедад» (4:0), «Боруссия» (4:0), «Олимпиакос» (6:1), «Овьедо» (3:0), «Копенгаген» (4:1), «Леванте» (3:0), «Хетафе» (3:0), «Осасуна» (3:0), «Атлетико» (3:0), «Ньюкасл» (7:2), «Эспаньол» (4:1), «Эльче» (5:0), «Райо Вальекано» (5:2) ва «Расинг» (7:2).

Эслатиб ўтамиз, Ханс-Дитер Флик 2024 йилдан буён «Барселона» бош мураббийи сифатида фаолият юритмоқда.