Леверкузеннинг «Байер» клуби ҳужумчиси Кристиан Кофане Англия Премьер-лигасининг бир қатор жамоалари эътиборини тортмоқда. Бу ҳақда инсайдер Экрем Конур хабар берди.

Манба маълумотига кўра, 20 ёшли камерунлик футболчини ўз сафига қўшиб олишга Лондоннинг «Арсенал», шунингдек, «Эвертон», «Астон Вилла» ва «Ньюкасл» клублари қизиқиш билдирмоқда.

Кофаненинг эҳтимолий трансфери 40 миллион еврога баҳоланмоқда. Ҳозирча қайси клуб футболчини қўлга киритиш учун расмий таклиф билан чиқиши маълум эмас.

Камерунлик ҳужумчининг «Байер» билан амалдаги шартномаси 2029 йилнинг июнь ойи охирига қадар мўлжалланган.

Кристиан Кофане жорий мавсумда Германия Бундеслигасининг 4 та учрашувида майдонга тушиб, 2 та гол уришга муваффақ бўлди.