«Пари Сен-Жермен» ярим ҳимоячиси Фабиан Руис жамоанинг жорий мавсумда УЕФА Чемпионлар лигасидаги асосий мақсадларидан бири ҳақида гапирди.

30 ёшли испаниялик футболчининг таъкидлашича, парижликлар сўнгги икки мавсумда мусобақанинг умумий босқичини кучли саккизталикда якунлаб, тўғридан-тўғри нимчорак финалга йўлланма ола олмаган. Шунга қарамай, «ПСЖ» ҳар икки мавсумда ҳам мусобақа ғолибига айланган.

«Аввалги икки мавсумда ҳам кучли саккизталикка кира олмадик. Шунинг учун бу сафарги мақсадларимиздан бири топ-8 дан жой олиш ва имкони борича юқори поғонани эгаллаш бўлиши мумкин.

Бу осон вазифа эмаслигини яхши тушунамиз. Бироқ жорий мавсумда ушбу мақсадга эришиш учун ҳаракат қиламиз», — дея Руиснинг сўзларини УЕФА расмий сайти келтирди.

Маълумот учун, «ПСЖ» 2024/25 йилги Чемпионлар лигасининг умумий босқичини 15-ўринда якунлаган. 2025/26 йилги мавсумда эса Франция клуби 11-поғонани эгаллаган.

Шу тариқа, парижликлар бу мавсум умумий босқичда дастлабки саккизта ўриндан бирини эгаллаб, қўшимча плей-офф учрашувларисиз нимчорак финалга чиқишни мақсад қилмоқда.