Мадриднинг «Реал» клуби марказий ҳимоячи позицияси учун бир нечта юлдуз футболчининг номзодини кўриб чиққан.
Инсайдер Фабрицио Романо маълумотларига кўра, ўтган ёзда «қаймоқранглилар» «Манчестер Сити» ҳимоячиси Рубен Диаш ҳамда Миланнинг «Интер» клуби вакили Алессандро Бастонига қизиқиш билдирган.
Бироқ якунда мадридликлар португалиялик ва италиялик футболчилар номзодидан воз кечиб, «Ливерпуль»ни тарк этганидан сўнг эркин агентга айланган Ибраима Конатени таклиф қилишга қарор қилган.
Жозе Моуриньо бошчилигидаги жамоа Испания чемпионатининг саккиз туридан кейин 18 очко тўплаб, турнир жадвалида тўртинчи ўринни эгаллаб турибди. Якшанба куни мадридликлар ўз майдонида «Севилья»ни қабул қилади.
