"Барселона" ярим ҳимоячиси Марк Бернальнинг "Ливерпуль"га ўтиш эҳтимоли кескин камайди. Мерсисайдликлар истиқболли испаниялик футболчини ўз сафига қўшиб олиш режасидан воз кечган.
"Ливерпуль" бош мураббийи Андони Ираола ёш ярим ҳимоячининг иқтидорига юқори баҳо беради. Шу сабабли Англия клуби Бернальнинг трансфери учун асосий даъвогарлардан бири сифатида кўрилаётган эди.
Бироқ Испаниянинг Sport нашри хабар беришича, "Ливерпуль" раҳбарияти футболчини сотиб олиш ғоясидан воз кечишга қарор қилган.
Аввалроқ мерсисайдликлар 2027 йил ёзида испаниялик таянч ярим ҳимоячисини тахминан 60 миллион еврога ўз сафига қўшиб олиши мумкинлиги айтилганди.
Бироқ "Барселона" бош мураббийи Ханс-Дитер Флик 19 ёшли футболчига мунтазам равишда майдонда имконият бера бошлади. Натижада каталонияликларнинг яқин келажакда Бернальни сотиши эҳтимоли деярли йўққа чиқди.
Бундан ташқари, "янги Бускетс" дея таърифланаётган ёш футболчи билан 2031 йилга қадар мўлжалланган янги шартнома бўйича келишувга ҳам эришилган.
