Франциялик собиқ ҳимоячи Самуэль Юмтити «Барселона»нинг Лионель Месси, Луис Суарес ва Неймардан иборат машҳур ҳужум учлиги билан бирга ўйнаган даври ҳақида гапирди.
«Улар гўё бошқа сайёрадан келгандек эди. Бироқ улар нафақат майдонда, балки унинг ташқарисида ҳам бир-бирлари билан жуда яхши чиқишарди.
Агар улардан иккитаси гол урган бўлса, учинчиси ҳам голсиз қолмаслиги учун қўлларидан келган барча ишни қилишарди.
Месси, Суарес ва Неймар билан бирга ўйнаш ажойиб эди», — дея Юмтитининг сўзларини келтиради Barca Universal.
