Мадриднинг «Реал» клуби ҳужумкор ярим ҳимоячиси Жуд Беллингем жамоа сафида 150 та ўйин ўтказиш маррасига эришгани ҳақида фикр билдирди.
«Бундан жуда хурсандман ва фахрланаман. Бу клуб сафида ўйнаш ҳар доим ёқимли. Умид қиламанки, бу ерда яна кўп йиллар тўп сураман», — дея Беллингемнинг сўзларини келтиради Madrid Zone.
Беллингем 2023 йилдан буён «Реал» шарафини ҳимоя қилиб келмоқда. Шу вақтга қадар у жамоа сафида 150 та учрашувда майдонга тушиб, 49 та гол урди ва 36 та голли узатмани амалга оширди.
Англиялик футболчининг «Реал» билан амалдаги шартномаси 2029 йилнинг ўрталаригача мўлжалланган. Бироқ яқин вақт ичида Беллингем Испания гранди билан янги шартнома имзолаши кутилмоқда.
