«Манчестер Сити»нинг собиқ ҳимоячиси Кайл Уокер «Бавария» ҳужумчиси Харри Кейн бир вақтлар манчестерликлар сафига қўшилишга жуда яқин келганини маълум қилди.
Уокернинг сўзларига кўра, англиялик форвард ҳали «Тоттенхэм»да ўйнаб юрган пайтида «Манчестер Сити»га ўтиши мумкин бўлган, бироқ клублар трансфер борасида келишувга эриша олмаган.
«Кейн «Манчестер Сити»га ўтишга жуда яқин эди. Ўйлашимча, у ўша пайтда фаолиятининг совринлар учун курашишни истайдиган босқичига келганди.
У буюк футболчи, аммо ўша вақтгача ҳеч қандай соврин ютмаган эди. Бироқ клублар ўзаро келиша олишмади», — деди Уокер talkSPORT Drive эфирида.
Харри Кейн 2009 йилдан 2023 йилгача «Тоттенхэм» шарафини ҳимоя қилган. Англиялик ҳужумчи 2023 йил ёзида 95 миллион евро эвазига «Бавария»га кўчиб ўтган.
Мюнхен клубига қўшилганидан сўнг Кейн икки марта Германия чемпиони бўлди, шунингдек, мамлакат кубоги ва икки бор Германия Суперкубогини қўлга киритди.
