"Манчестер Юнайтед" сардори Бруну Фернандешнинг бош мураббий Майкл Кэррик ва унинг штабига қаратилган танқидий фикрлари клуб ичида жиддий норозиликка сабаб бўлди.
Журналист Жейми Жексоннинг хабар беришича, португалиялик футболчининг баёнотидан нафақат раҳбарият ва клуб ходимлари, балки Кэррикнинг ўзи ҳам қаттиқ ранжиган.
Маълумотларга кўра, "Манчестер Юнайтед" вакиллари Фернандешнинг муносабатини кутилмаган ҳолат сифатида қабул қилган ва ўзларини футболчи томонидан хиёнатга учрагандек ҳис қилмоқда.
Клубдаги юқори лавозимли манбалардан бири Брунунинг фикрларини ҳатто "заҳарли" деб баҳолаган.
Шунингдек, "Манчестер Юнайтед" раҳбарияти мазкур вазиятда бир овоздан бош мураббий Майкл Кэррикни қўллаб-қувватлагани айтилмоқда.
Эслатиб ўтамиз, Фернандеш Чемпионлар лигасида "Комо"га қарши ўтказилган ва 1:4 ҳисобидаги мағлубият билан якунланган учрашувдан сўнг мураббийлар штабининг тактик танловини очиқ танқид қилган эди.
