Мадриднинг «Реал» ва Лондоннинг «Арсенал» клублари собиқ ярим ҳимоячиси Месут Ўзил Россия клублари ҳамда терма жамоаларининг халқаро мусобақалардан четлатилгани юзасидан ўз муносабатини билдирди.
Германиялик собиқ футболчи ФИФАни Россия ва Исроилга нисбатан турлича ёндашув қўллаётганликда айблаб, халқаро футбол ташкилотини барча мамлакатларга бир хил муносабатда бўлишга чақирди.
«Спорт ҳамжамияти доимо одамларни бирлаштириб келган. Бироқ бу масалада ФИФА Россияга нисбатан тақиқ жорий этди, Исроилга эса бундай чора қўлламади.
Мен ФИФАга мурожаат қилмоқчиман: икки хил стандартларга чек қўйиш вақти келди. Барчага бир хил муносабатда бўлиш керак», — деди Ўзил.
Эслатиб ўтамиз, Россия клублари ва терма жамоалари 2022 йил февраль ойидан буён ФИФА ҳамда УЕФАнинг қўшма қарорига асосан халқаро мусобақаларда иштирок этишдан четлатилган.
