«Ливерпуль»нинг ҳужумкор ярим ҳимоячиси Рио Нгумоа Чемпионлар лигасида клуб тарихига кирди.

18 ёшли футболчи мусобақа умумий босқичида «Вильярреал»га қарши ўтказилган учрашувда иккита голли узатмани амалга ошириб, «Ливерпуль» тарихида Чемпионлар лигасида ассист қайд этган энг ёш футболчига айланди.

Эслатиб ўтамиз, Андони Ираола шогирдлари Испания клубига қарши баҳсда иродали ғалабага эришди. Мерсисайдликлар 4:3 ҳисобида зафар қучиб, муҳим уч очкони қўлга киритди.

«Ливерпуль» Чемпионлар лигасидаги навбатдаги учрашувини 4 ноябрь, чоршанба куни ўтказади. Англия клуби Истанбулда Туркиянинг «Фенербахче» жамоаси меҳмони бўлади.

Қайд этиш жоиз, Рио Нгумоанинг «Ливерпуль» билан амалдаги шартномаси 2028 йил ёзига қадар мўлжалланган. Ёш футболчининг трансфер қиймати 50 миллион еврога баҳоланмоқда.