«Бавария» ва Англия терма жамоаси ҳужумчиси Ҳарри Кейн «Олтин тўп»ни қўлга киритганидан кейин оиласи ва дўстлари учун базм уюштирди. Британия оммавий ахборот воситалари хабар беришича, футболчи Лондоннинг энг ҳашаматли тунги клубларидан бирида тонггача вақт ўтказган.

Тақдирлаш маросимидан кейин Кейн яқинлари даврасида ғалабани нишонлаш учун Сохо ҳудудида жойлашган Cirque Le Soir клубига йўл олган. Базмда Ҳаррининг «Тоттенҳэм»даги кўплаб собиқ жамоадошлари ҳам иштирок этган.

Маълум қилинишича, футболчи тонг саҳарда қўриқчилар ҳамроҳлигида рафиқаси ва акаси билан бирга клубни тарк этган.

33 ёшли англиялик футболчи Германия клуби вакили сифатида 45 йил ичида «Олтин тўп»ни қўлга киритган илк футболчига айланди. Кейн овоз бериш натижаларига кўра биринчи ўринни эгаллаб, «Реал» ҳужумчиси Килиан Мбаппе ва «Барселона» вингери Ламин Ямални ортда қолдирди.

Шунингдек, Ҳарри 25 йил ичида ушбу совринни қўлга киритган биринчи англиялик футболчи бўлди.