Микель Артета "Флитвуд Таун"га пенальтилар сериясида мағлуб бўлгани ҳақида фикр билдирди.

"Арсенал" Англия Лига кубогининг 1/8 финал босқичида мусобақани тарк этди.

— Аввало, кейинги босқичга йўл олгани билан "Флитвуд"ни табриклайман. Уларнинг бу натижага қандай услубда эришганини ҳам алоҳида таъкидламоқчиман. Биз учун эса бу жуда қайғули кун.

Ўйинчиларнинг ишга муносабати ва фидойилиги борасида ҳеч қандай эътирозим йўқ. Учрашув бошиданоқ уларнинг қатъий нияти кўриниб турди. Биз бир киши кам бўлиб қолдик, аммо бундан олдинроқ рақибга жуда кулгили тарзда гол ўтказиб юбордик. Бу эса уларга руҳий устунлик берди.

Жамоа гол уришга уринишда давом этди, вазиятлар яратди ва зарбалар берди. Бизда янада кўпроқ гол уриш учун кўплаб имкониятлар бўлди. Агар ўз имкониятларингдан фойдаланмасанг, кейинги босқичга чиқа олмайсан. Афсуски, мусобақани тарк этдик.

— Доуман майдонни тарк этаётганда унга нима дедингиз?

— Ўйиндан олдин муҳокама қилган гапларимизни, — деди "Арсенал" бош мураббийи.