"Милан", "Манчестер Сити" ва "Арсенал" клублари Мадриднинг "Реал" клуби дарвозабони Икер Касильясга қизиқиш билан қарамоқдалар, деб ёзади Tuttomercatoweb.
Италия клуби 36 ёшли Кристиан Аббьяттининг ўрнига муносиб номзод қидирмоқда. Менгхенгладбахнинг "Боруссия" клуби посбони Марк-Андре тер Стегеннинг "Барселона"га ўтиши кўпроқ ҳақиқатга яқинлиги маълум бўлаётган шу кунларда миланликлар эътиборларини Икер Касильясга қаратмоқда. Хабарингиз бор, Икер ҳали "Реал" асосий таркибига кира олганича йўқ.
Манба ушбу футболчига икки инглиз клуби - "Манчестер Сити" ва "Арсенал" ҳам бефарқ эмаслигини қўшимча қилган.