Озарбойжон терма жамоаси сардори Рашад Садигов Москванинг "Локомотив" клуби яримҳимоячиси Александр Самедовнинг айтган гапларидан жаҳли чиққанини яширмади.

Россия термаси ўйинчиси Самедов ЖЧ-2014 саралаши гуруҳ баҳсларининг сўнгги тури олдидан "ўзларига ишониб юборганликлари учун озарбойжонлик футболчиларни жазолаймиз" дея фикр билдирган эди.

"Бизни бу босқичнинг сўнгги ўйини кутиб турибди, - дейди Садигов. - У жуда муҳим ўйин. Саралаш баҳсларини чиройли якунламоқчимиз. Россияга қарши қаттиқ курашамиз ва ютқазмоқчи эмасмиз.

Ҳақиқатдан ҳам бизнинг баъзи ўйинчиларимиз ўзига ишонч билан гапиришган. Бу Россия термаси ўйинчиларига ёқмаганлигини кўриб турибман ва улардан рухсат сўрамоқчи эмасмиз.

Александр Самедовнинг бизнинг жазолмоқчи бўлган гапларига келсак... Афсуски у билан фақат майдонда учрашамиз. Ташқарида у айтган сўзларига жавоб берган бўлар эди. Дарвоқе, мен уни Самедов деб атамайман. У мен учун шунчаки - Александр".