"Андижон" клуби расмий сайти орқали мухлислар ўртасида ойнинг энг яхши ўйинчиларини аниқлаш борасида сўров ўтказиб келди. Унга кўра октябрь ойи якуни бўйича иқтидорли ярим ҳимоячи Баҳром Абдураҳимов яна энг яхши ўйинчи деб топилди.
Абдураҳимов 10852 балл тўплади. Бу аввалги ойларга солиштирганда жуда юқори кўрсаткич бўлди. Сўровда 2-ўринни Сардор Соибов эгаллади. У 8154 балл жамғарди. 3-ўрин 309 балл тўплаган ёш дарвозабон Сергей Смородинга насиб этди.
Айтиш керакки, ниҳоясига етган октябрь ойида “Андижон” 6та ўйин ўтказди ва буларнинг барчасида Абдураҳимов майдонга тушди. Қолаверса, 13 октябрь куни жамоамиз олий лига йўлланмасини ҳал қилди. Эътиборлиси, сентябрь ойида ҳам Абдураҳимов энг яхши ўйинчи бўлганди.
Аввалги лауреатларга тўхталадиган бўлсак, август ва июнь ойларида Асқар Жадигеров энг яхши ўйинчи бўлганди. Июль ойида Темур Ҳакимов ва май ойида Юрий Цой ҳам лауреат бўлишган.
