Лондоннинг «Арсенал» жамоаси «Ювентус» ҳужумчиси Фернандо Лорентени ўз таркибида кўрмоқчи. Бу ҳақда goal.com хабар бермоқда.
Манбада айтилишича, футболчининг ўзи жаҳон ченпионати олдидан кўпроқ ўйин амалиётига эга бўлмоқчи ва бу трансферга розилик билдириши ҳақиқатга яқин.
28 ёшли ҳужумчи шу йилнинг ёзида «Ювентус»га келган ва клуб таркибида 9 учрашувда майдонга тушиб, 2та голга муаллифлик қилган. Унинг «Ювентус» билан шартномаси 2017 йилга қадар амал қилади.
Льорентега шунингдек «Реал» ҳамда «Барселона» ҳам қизиқиш билдирмоқда. Трансфер баҳоси 20 миллион евро атрофида бўлиши кутилмоқда.
