Хабарингиз бор, жорий мавсумни биринчи лигада ўтказган “Машъал” муддатидан олдин олий лига йўлланмасини қўлга киритди. Энди мубораклик мухлисларнинг келаси йил “Машъал”дан умидлари катта. Бунга жавобан футболчилар ҳам астойдил ҳаракат қилишлари турган гап.
“Газчилар” янги мавсумга тайёргарлик кўришни ҳозирданоқ бошлашган. Шу кунларда Баҳром Вафоев номидаги асосий стадионда таъмирлаш, шунингдек, майдонга янги ўғит экиш ишлари давом этмоқда.
Маълумки, Муборакдаги стадион майдони юртимиздаги энг яхши майдонлардан бири ҳисобланади. Бу ерга келиб тўп сурган ҳар бир жамоа маза қилиб футбол ўйнаб кетади.
Майдоннинг кўркам ҳолатга келишида Хўжамурод Казаков бошчилигидаги стадион ишчиларининг хизмати ниҳоятда катта. Ўйлаймизки, келаси йил баҳор ойларига келиб, айни чемпионат бошланган паллада майдон кўркам ҳолатда бўлади. Қуйида эса иш жараёнидан фотосуратларни келтириб ўтамиз.
