«Бавария» ярим ҳимоячиси Бастиан Швайнштайгер оёғининг тўпиқ қисмидан такрорий операция қилинади. Бу ҳақда клуб расмий сайти хабар бермоқда.
Германия терма жамоасининг 29 ёшли футболчиси шу йилнинг июнь ойида операция қилинган эди.
Швайнштайгер жарроҳлик амалиёти сабаб мавсумолди тайёргарликни ўтказиб юборган эди. Жорий мавсумда ярим ҳимоячи бундеслиганинг 10та учрашувида майдонга тушиб улгурди.
«Ўтган ҳафта давомида қаттиқ оғриқни ҳис қилдим. Мен машғулотларда қатнашишда давом этдим ва энди операция қилинмаса, бўлмайди»,- дейди Швайнштайгер.
