"Арсенал" "Манчестер Юнайтед"га Хавьер Эрнандес ҳариди борасида расмий таклиф билан чиқиши мумкин, деб ёзади ESPN.
Нашрга кўра, "тўпчилар" устози Арсен Венгер қишки трансферлар мавсумида жамоанинг ҳужум чизиғини кучайтиришни мақсад қилган. Француз мутахассисининг фикрича, Оливье Жируга ҳам АПЛда, ҳам Чемпионлар лигасида тўп суриш оғирлик қилмоқда.
Чичарито эса ўз жамоасидаги Уэйн Руни, Робин ван Перси ва Дэнни Уэлбек каби "иблислар" ўртасидаги рақобат шароитида етарли ўйин амалиётига эга бўлмаяпти.
Трансфернинг таҳминий қиймати маълум қилинмаган.