Ўзбекистон футбол федерацияси президенти Мираброр Усмонов 2013 йилги Ўзбекистон кумуш медаллари сохиби – «Локомотив» ФКга табрикнома юборди.

«Локомотив» футбол клуби маъмуриятига

Ўзбекистон футбол федерацияси «Локомотив» футбол клубининг аҳил жамоасини футбол бўйича 2013 йилги олий лига мусобақаларида ажойиб иштирок этган ҳолда мусобақанинг кумуш медалларга сазовор бўлганлиги муносабати билан самимий табриклайди.

2013 йилги мавсумда чемпионлик пойгаси ҳар қачонгидан шиддатли ва қизиқарли кечди.

Ўтган йили сўнгги тургача давом этган интрига, бу йил ҳам охирги тургача сақланиб қолди. Фарқи шундаки, 2013 йилги чемпионлик пойгасида 3 та жамоа фаол кураш олиб борди. Чемпионлик пойгасида йил сайин тажриба тўплаётган «Локомотив» ўз тарихида биринчи кумуш медалларни қўлга киритди.


Умид қиламанки, «Локомотив» ютуқлар пиллапоясида бугунгидек, юқори илдам кўтарилишда давом этиб, 2014 йилги Осиё Чемпионлар лигаси мусобақасида яхши иштирок этиб, Ўзбекистон шарафини муносиб ҳимоя қилади.

Кумуш медаллар муборак бўлсин!

Ўзбекистон футбол федерацияси президенти М.З.Усмонов