"Челси"нинг 32 ёшли ҳужумчиси Самуэль Это`О "Торонто" клуби қизиқиш доирасига кирди, дея хабар бермоқда Yahoo! Sports.
Хабар қилинишича, Канада клуби камерунлик футболчи учун бинойидек пул таклиф қилишга тайёр. Футболчининг ўзига эса ҳар тарафлама маъқул шартнома ҳозирланмоқда.
Бу таклифга "Челси" қарши бўлмаслигини тахмин қилиш мумкин. Зеро африкаликнинг шартномаси 2014 йил ёзида якунига етади. Это`О ҳозиргача Англия чемпионатининг 7 ўйинида майдонга тушди ва 2та гол, 3та голли пасни амалга оширди.
Айтиш жоиз, аввалроқ "Торонто"нинг "Женоа" ва Италия терма жамоаси ҳужумчиси Альберто Жиландинога қизиқаётгани борасида хабарлар тарқалганди.