Жаҳон чемпионати саралаши доирасидаги Украина ҳамда Франция терма жамоалари ўртасидаги ўйинни «Ливерпул» клуби скаутлари кузатиб боришади. Бу ҳақда Sports Direct News хабар бермоқда.
Манбада айтилишича, Ливерпул шаҳридан келган «олтин изловчилар» Киевнинг «Динамо» клуби ҳужумчиси Андрей Ярмоленкони кузатишни ният қилишган. «Ливерпул» футболчини ўтган йилда 20 миллион евро эвазига Англияга олиб келмоқчи эди, лекин киевликлар бунга кўнишмаганди.
«Ливерпул» клуби мутасаддилари январда бошланадиган қишки трансфер ойнаси вақтида ҳам 24 ёшли Украина терма жамоаси футболчисини сотиб олишга ҳаракат қилиб кўришади.
Жорий мавсумда ҳужумчи Украина чемпионати ва Европа лигаси доирасидаги 20та учрашувда майдонга тушган ва 12 марта гол муаллифига айланган.
