Лондоннинг «Арсенал» жамоаси ярим ҳимоячиси Санти Касорла ўтган мавсумда кераксиз ўйинларда очко йўқотишгани ҳақида гапириб ўтди.
«Тажриба, ўзига бўлган ишонч, руҳий тайёргарлик – булар футболда жуда муҳим. Ўтган мавсумда биз консентрацияни йўқотдик ва кўп очколарни бой бердик.
«Фулҳэм»га қарши ўйинда 2:0 ҳисобида олдинда бораётган эдик, лекин ўйин 3:3 ҳисобида якунланди. Нима учун? Одатда булар юқорида айтганларимнинг етишмаслиги сабаб бўлади.
Испанияда агар «Реал» ёки «Барселона» ҳисобда олдинда борса, уларнинг ғалаба қозонишлари аниқ, лекин Англияда бошқача. Бу ерда битта имконият, битта жарима ва ҳаммаси ўзгаради»,- дейди футболчи.
