"Бавария" ҳужумчиси Арьен Роббен Бундеслиганинг 13-тури доирасидаги Дортмунднинг "Боруссия"сига қарши учрашувдаги йирик ғалабадан ҳаволаниб кетмаслик кераклигини таъкидламоқда.
"Бу ғалабанинг аҳамиятини ҳаддан оширавериш керак эмас. Ахир 85-дақиқагача ҳисоб 1:0 эди.
Якуний натижа ғалаба ишончли тарзда қўлга киритилганини кўрсатмоқда, аммо дортмундлик футболчиларда ҳам яхши имкониятлар бўлди.
Ўйин охирида бўш зоналардан самарали фойдалана олдик. Албатта, ғалабага ўз меҳнатимиз билан эришдик", - дейди Роббен мюнхенликлар расмий сайтига берган интервьюсида.