Футзал бўйича Қозоғистон чемпионатида 4-тур ўйинлари бўлиб ўтди. Александр Петров бошчилигидаги «ОзенМунайГаз» жамоаси сафарда 2та мағлубиятга учраган бўлса, «СКА-Юг» эса ҳар иккала ўйинда "Тулпар"га ютқазди.

"Акжайик" билан ўйинда «ОзенМунайГаз» 9:1 ва 4:2 ҳисобларида ғалабага эришди. Нодир Элибоев дастлабки ўйинда битта гол урган бўлса, иккинчи баҳсда унинг ҳисобига 3та гол ёзилди. Бу жамоа шарафини Рустам Умаров ва Шуҳрат Тожибоев ҳам ҳимоя қилишини таъкидлаб ўтиш мумкин.

«СКА-Юг» Европа чемпионлар лигаси баҳсида иштирок этиб қайтган "Тулпар" билан биринчи ўйинда йирик ҳисобда ютқазиб қўйди — 2:8. Иккинчи баҳсда эса Фарҳод Абдумавлонов жамоасининг битта голига муаллифлик қилди. «СКА-Юг» ўйин тугашига 1 дақиқа қолганида 2:3 ҳисобида ортда бораётганди. Бироқ сўнгги дақиқада мезбонлар битта гол уриб, ушбу баҳсни ҳам ўз фойдаларига ҳал қилишди.