Ўзбекистон Президенти Ислом Каримов 3 декабрь, сешанба куни «Юқори натижаларга эришган бир гуруҳ иқтидорли ёшларни мукофотлаш тўғрисида»ги Фармонни имзолади. Фармон матни ЎзА томонидан эълон қилинган.
Жумладан, Ўзбекистоннинг халқаро майдондаги обрў-эътибори ва нуфузини оширишга қўшган салмоқли ҳиссаси, профессионал маҳорати ва ёрқин истеъдоди билан спорт соҳасида юқори натижаларга эришгани учун:
Махсталиев Аббосбек Мухаммадалиевич (Тошкент шаҳри «Пахтакор» профессионал футбол клуби аъзоси), Мўминова Нафиса Алишеровна (шахмат бўйича Ўзбекистон миллий терма жамоаси аъзоси)га «Ўзбекистон ифтихори» фахрий унвони берилган бўлса, Истомин Денис Олегович (теннис бўйича Ўзбекистон миллий терма жамоаси аъзоси), Санокулова Замиражон Бахтиёржоновна (бадиий гимнастика бўйича Ўзбекистон миллий терма жамоаси аъзоси), Фармонов Мирзохид Шухратович (дзюдо бўйича Ўзбекистон миллий терма жамоаси аъзоси), Халмуратов Мураджан Юлдашевич (велоспорт бўйича Ўзбекистон миллий терма жамоаси аъзоси)га «Ўзбекистонда хизмат кўрсатган спортчи» фахрий унвони берилди.
