Германия терма жамоаси бош мураббийи Йоахим Лёв "Олтин тўп" учун овоз беришдан бош тортди, дея хабар тарқатди Bild.
Немис мутахассиси жаҳоннинг энг кучли уч футболчиси сафига унинг шогирдларини қўшишмаганидан жахли чиққан ва шундай қарорга келган.
"Бир тарафдан олиб қараганда, Германия термасининг беш ўйинчиси бу номга даъвогарлик қилгани ёқимли. Аммо ФИФАнинг қарори билан барча овоз берувчиларнинг танлови ошкора кўринишда бўлмоқда, бу эса Левни қийин вазиятга солиб қўйган.
Йоахим холис овоз бериш учун имконият йўқ деб ҳисоблаяпти ва унда овоз беришда иштирок этмасликка қарор қилди", - дейилади Германия терма жамоаси матбуот хизмати берган баёнотда.
Эслатиб ўтамиз, Германия терма жамоасидан "Олтин тўп"ни олиши мумкин бўлган футболчилар қуйидагилар: Мануэль Нойер, Филипп Лам, Бастиан Шванштайгер, Томас Мюллер, Месут Ўзил.