Лондоннинг «Челси» клуби устози Жозе Моуриньо чемпионлар лигаси гуруҳ босқичининг «Стяуа»га қарши ўйини олдидан ўтказилган матбуот анжуманида яна бир хурмача қилиқ қилди.
Мураббий матбуот анжуманида ишлаган таржимоннинг ишидан қониққанини таъкидлаган ва «Челси» мутасаддиларига мурожаат қилган: «Бу йигит учун ким тўлайди? «Челси»? Бўлмаса унинг гонорарини икки баробар оширинг!».
Бу воқеадан кейин мураббий таржимонга ўзининг дастхати туширилган футболкани тақдим этди. Унда «Сени қучоқлаб қоламан» деб ёзилган эди.
Таъкидлаш жоизки, Моуриньо матбуот анжуманида берилган битта саволга уч дақиқа жавоб берди ва таржима учун вақт қолдирмади. Гапини тугатгач таржимонга «Кечирасан, оғайни» дей қўйган.
