Хабарингиз бор, Мираброр Усмонов учинчи маротаба ЎФФ президенти этиб тайинланди.
Ҳисобот-сайлов конференциясида ЎФФ президентлигига яна уч нафар номзод борлигини эшитгандик, аммо Асқар Толибжонов уларнинг исми-шарифини айтмагани туфайли номзодлар ким эканлиги сир бўлиб қолди.
Arena.Uz`нинг ўз манбаларига асосланиб хабар беришича, уч нафар номзоднинг бири Мираброр Усмоновнинг фарзанди – Ўзбекистон мини-футбол ассоциацияси вице-президенти, “Ардус” клуби президенти Жаҳонгир Усмонов бўлган.
Иккинчи номзод эса, “Шўртан газ-кимё мажмуаси” давлат шўъба-корхонаси бош директори, сенатор Алишер Султоновлиги маълум бўлди.
Учинчи номзоднинг исми-шарифини аниқлашнинг имкони бўлмаган, аммо GM Ўзбекистон корхонаси мулозимларидан бири эканлигини билиб олдик, деб ёзади Arena.Uz.
Эслатиб ўтамиз, конференцияда бу уч номзоднинг ҳеч бири кўриб чиқилгани йўқ.
