"Барселона" ҳужумчиси Леонел Месси янги йил байрамидан сўнг клуб раҳбарияти билан учрашади ва янги шартномаси борасида гаплашиб олади. Янги келишув имзоланиши ҳақида ҳозирча расмий маълумотлар йўқ.
Эслатиб ўтамиз, Месси шу йил бошида ҳам "Барса" билан янги шартнома имзолаган ва унга кўра 2018 йилгача Каталонияда тўп сурадиган ўйинчи солиқларни қўшмаганда йилига 12,5 миллион евро маош олади. Ҳужжатга кўра, Мессининг трансфери баҳоси 250 миллион евро этиб белгиланган.













