"Барселона" ҳужумчиси Леонел Месси Каталонияга қайтди ва жамоа машғулотларида иштирок этди.
Охирги икки ойни жароҳатини даволаш билан сарфлаган Месси тикланиш жараёнининг асосий қисмини ўз ватанида ўтказганидан хабарингиз бор.
Охирги хабарларга қараганда, 26 ёшли тўпурар Примьеранинг 18-тури доирасида "Эльче"га қарши ўйинда майдонга туша олмайди. "Барса"нинг кейинги ўйини 8 январ куни "Хетафе"га қарши Испания кубоги доирасида бўлиб ўтади. Месси ушбу учрашувда бир неча дақиқагагина кўриниш бериши мумкин холос. Агар ҳаммаси жойида бўлса, аргентиналик тирик афсона ундан кейинги ўйин - "Атлетико"га қарши ўйинга тўлиқ тайёр бўлади.
